لماذا تصل كراهية الحزب للاخوان الى هذا الحد

لماذا تصل الكراهية الى هذا الحد
لماذا يصل الامر بصفوت الشريف الى المطالبة بشطب " جميع " مرشحى الاخوان من انتخابات مجلس الشورى بالجملة

هل هم حاسين انهم ان فى خطا فنى حصل و خطا وقدر ال 17 دول انهم يترشحوا وانه مالحقش يعتقلهم او يرفض اوراق ترشيحهم و انهم فلتوا منه
فبيحاول انه يصلح الغلط ده ويرجع الامور الى نصابها
اختطاف المرشحَين الاحتياطيين بالسويس بمكان مجهول


وانهم قد وصلوا الى مرحلة من الافلاس الى حد انهم مش عايزين حد مصحصح معاهم فى المجلس
احسن يدوشهم ويخليهم ما يعرفوش يناموا فى مجلسهم الموقر


اذا كان الامر قد وصل الى هذا الحد
فانا اظن ان صفوت الشريف قد وصل الى مرحلة صعبة جدا
والحزب كذلك
واضح ان علقة مجلش الشعب علمتهم كتيييير جدا
وان صفوت الشريف مش مستعد انه يتحط فى موقف زى فتحى سرور ابدا

ام ان هناك درجة كبيرة من الحقد و الكراهية ملئت نفوسهم الى حد انهم

مش عايزين يشوفوا اى حد مننا خالص
ولا يقعد جنبهم خالص لانه "كخه"


او انهم فاكرين ان البلد ده بتاعتهم لوحدهم بس و محدش تانى له اى نوع من الحقوق فيها اى انها "عزبة ابوهم"


ام ان الامر كما قال الشاعر شوقى
"أحرام على بلابلــه الدوح حلال للطــــير من كل جنس
كل أرض احـــق بالاهل الا فى خبيث من المذاهب رجس"


ام انهم ناس مش متعودين على الشعارات الدينية ولا على التربية الدينية ولا على الدين اصلا الى حد انهم مش طايقين يسمعوا عن الشعارات الدينية ولا على الالتزام اصلا

او انه عايز يكون العازف الوحيد على المسرح ومحدش يبص ولا يتفرج على حد غيره علشان محدش يكتشف عيوب العزف بتاعه


انا ابحث عن اجابات
عن تفسيرات
عن اسباب مقنعة لهذا الاقصاء للشرفاء من هذا الشعب



اشكر زيارتك
و نرجوا المشاركة

م عبد الرحمن حسين